الا ياصاحبي تسأل علامي صايرٍ مهموم
جروح الوقت خلتني اسير بدنيتي هايم
أسير وتسهر عيوني ليالي ماتذوق النوم
واشوف الزاد لكني عنه ممنوعٍ وصايم
تعبت من الزمان اللي يبدل فرحتي بهموم
ولا يعطيني الفرصه اذا الحظ استوى قايم
يرددني على حزني وينبش جرحي المسموم
همومٍ لو ابوح بها تكدر مهجع النايم
أنا لي رغبةٍ عيت تحقق والحظوظ قسوم
وهذي حالة الدنيا وسبحان الله الدايم
صحيح الشوق ذابحني وأنا من غايتي محروم
وعايش في بحر دنياي لاغارق ولاعايم
ولا اني أول انسانٍ رضى في قسمه المقسوم
ولا اني بآخر انسانٍ يشيل الهم ويزايم
عطيتك موجز أخباري عسى ماقلت لك مفهوم
جروح الوقت خلتني أسير بدنيتي هايم
منقووول
أنا تعبت
